1️⃣養成「日日清」嘅習慣！
成日聽到中五中六嘅同學講:
- 「先岩岩開學，有排都未考annual exam / DSE 喎🤔」
- 「長命功夫長命做！😉」
- 「聽日！聽日一定做！😂」
有啲同學永遠有無限個理由遊說自己遲啲先做！聽日完又聽日，結果積積埋埋去到考試/ DSE study leave前先清呢成年所學嘅知識！
其實好多自律嘅同學，每日都有習慣清翻新學嘅concepts，考DSE前唔再用時間黎清concepts，而係好exam-oriented咁重溫已經學過嘅topics同操大量DSE past papers、執自己啲careless mistakes / 背 DSE marking scheme 去確保自己一分都不能失！
相反，如果你每日都逃避，臨考試前先臨急泡彿腳，咁你話，邊個會考得好啲？😌
2️⃣ 操練書嘅練習同做by-topic past papers！
要做到「每日清新學緊嘅課題」，最好嘅方法就係保持住清書嘅練習同做by-topic past papers！
書入面嘅練習雖然唔係考評局出嘅題目，但對你清concepts嚟講都係唔錯嘅練習！Alvin以前習慣書入面每一題嘅練習題都會即學即做！做完書嘅題目之後，順手就做埋啲by-topic DSE past paper題目，睇下自己識唔識apply knowledge in exam scenarios!!
3️⃣整錯題簿
唔係淨係錯完嘅題目就咁圈起就算！更加重要嘅係花大量時間review自己嘅mistakes！一個幾有效嘅方法係整錯題簿，mark低自己DSE past paper 錯過咩題目同埋點解錯。分析自己對錯永遠都係學習最重要嘅一步，平時溫書溫翻自己本錯題簿，確保自己錯過嘅野唔好再錯，就已經執翻唔少分架啦，所以同學唔好睇少錯題簿嘅重要性！
4️⃣每日花時間浸下中英文科
語文科係需要長時間備戰嘅科目！依加開始每日溫30分鐘都一定好過你考試前每日溫10個鐘！
記住呀，DSE係一個長久戰，同學一定要及早準備！